Ўзбекистон олимпия терма жамоаси ва «Динамо» клубининг эндиликда собиқ ҳужумчиси Иван Нагаев Тошкентнинг «Локомотив» клуби футболчисига айланди. Бу ҳақда клуб расмий твиттери хабар тарқатмоқда.

Олдинроқ хабар бериб ўтганимиздек, Нагаевга жамоа анчадан буён қизиқиш билдириб келаётганди. Расмий маълумот эса бугунги кунга келибгина маълум бўлиб улгурди.

Ҳозирча футболчининг янги клуб билан қанча муддатга шартнома имзолаши борасида аниқ маълумотлар берилмаган. Эслатиб ўтамиз, футболчига шунингдек, Тошкентнинг «Бунёдкор» клуби ҳам қизиқиш билдирганди.

Эслатиб ўтамиз, Нагаев билан «Локомотив»нинг бу мавсум арафасидаги трансферлари сони тўрттага етди. Қизиқ томони, тўрттала футболчи ҳам яқин йиллар ичида Ўзбекистон олимпия терма жамоаси шарафини ҳимоя қилган футболчилар эди. Ҳозиргача, Жасур Ҳасанов, Павел Смольяченко ва Салим Мустафоевларни ўз сафига қўшиб олган жамоа бу сафар Иван Нагаев билан ўз сафини кучайтирди.