АҚШ 2-дивизионида иштирок этаётган "Сакраменто Репаблик" ҳужумчиси Давиан Кимбро "Лас-Вегас Лайтс" жамоасига қарши (2:0) чемпионат учрашувининг 87-дақиқасида захирадан майдонга тушди.
Кимбро майдонга тушганида у 13 ёш, 7 ой ва 13 кунлик эди. Шу тариқа, у профессионал лигаларда майдонга тушган энг ёш Шимолий Америка футболчисига айланди.
Кимбро клуб академиясига 2021 йилда қўшилган. Шу йилнинг август ойида у асосий жамоа билан шартнома имзолади ва профессионал шартнома имзолаган энг ёш америкалик бўлди.
Аввалроқ, ЮСЛ ўйинида майдонга тушган энг ёш ўйинчи Аксель Кей эди, у 2021 йилда 13 ёш, 9 ой ва 9 кунлигида "Реал Монархс" таркибида майдонга тушган.
