Жим Рэтклифф "Манчестер Юнайтед"нинг озроқ акцияларини сотиб олиши мумкин.

Эслатиб ўтамиз, Глейзерлар оиласи клубни ўтган йилнинг кузида сотувга қўйган эди. "Ineos" кимёвий компанияси раҳбари Жим Рэтклифф "Юнайтед"ни сотиб олиш учун курашаётган эди. У билан Қатар шайхи Жассим бин Ҳамад Ол Тани рақобатлашди. Бироқ, ҳеч бир инвестор билан келишув ҳали якунланмаган.

Sky Sports хабарига кўра, Рэтклифф клубни тўлиқ назорат қилишдан кўра, "Манчестер Юнайтед"нинг озроқ улушини сотиб олишни ўйламоқда. Британиялик миллиардер Глейзерларга 1,5 миллиард фунт стерлинг эвазига 25 фоизлик улуш олишни таклиф қилиши мумкин.

Бу миқдор "Юнайтед"нинг ҳозирги эгаларининг ҳисоб-китобларига тўғри келади - глейзерлар барча акцияларни сотиш учун тахминан 6 миллиард фунт олмоқчи эди.

Агар шундай келишув амалга ошса, Глейзерлар "Юнайтед" устидан назоратни деярли сақлаб қолиши аниқ. Улар клубни 2005 йилдан бери бошқариб келишади.