«Наполи»да тўп тепаётган грузиялик ярим ҳимоячи Хвича Кварацхелия «Олтин тўп»га номзоди ҳақида гапирди.
«Мен бунинг иложи бор деб ўйламаган эдим. Ўзингиз яхши кўрган нарсага бутунлай шўнғисангиз, ҳамма нарса ўз самарасини беради.
Мен «Олтин тўп»ни қўлга киритишни орзу қиламан», - деди футболчи.
Эслатиб ўтамиз, Хвича нуфузли индивидуал мукофот учун 30 нафар номзод рўйхатига киритилган эди. «Олтин тўп»ни топшириш маросими 30 октябрь куни бўлиб ўтади.
Ўтган мавсумда Кварацхелия Неапол жамоаси сафида 43та ўйинда иштирок этиб, 14та гол урган ва 14та голга ассистентлик қилган.
