«Napoli»da to‘p tepayotgan gruziyalik yarim himoyachi Xvicha Kvarasxeliya «Oltin to‘p»ga nomzodi haqida gapirdi.
«Men buning iloji bor deb o‘ylamagan edim. O‘zingiz yaxshi ko‘rgan narsaga butunlay sho‘ng‘isangiz, hamma narsa o‘z samarasini beradi.
Men «Oltin to‘p»ni qo‘lga kiritishni orzu qilaman», - dedi futbolchi.
Eslatib o‘tamiz, Xvicha nufuzli individual mukofot uchun 30 nafar nomzod ro‘yxatiga kiritilgan edi. «Oltin to‘p»ni topshirish marosimi 30 oktyabr kuni bo‘lib o‘tadi.
O‘tgan mavsumda Kvarasxeliya Neapol jamoasi safida 43ta o‘yinda ishtirok etib, 14ta gol urgan va 14ta golga assistentlik qilgan.
