Хитойнинг "Гуанчжоу Эвергранд" клуби бош мураббийи Марчелло Липпи Франция матбуотига Хитой чемпионати ҳақида фикрлар билдирди.
Эслатиб ўтамиз, Италиялик мутахассис Хитой чемпионатида ўз жамоаси билан чемпионлик дублига эришган.
"Хитойда ишлаш - бу ажойиб тажриба. Бу ерда яна бажариш керак бўлган ишлар кўп. "Гуанчжоу Эвергранд"да жамоани бошқарибгина қолмай, клуб ташкилотчилиги, структура ва кадрлар билан машғулман. Жамоа сезиларли даражада ривожланди. Мен ўзга юртда ишлаш тажрибасини истагандим ва ҳозирданоқ ишимдан қониқмоқдаман", - дейди 64 ёшли мутахассис.
