"Ливерпуль"нинг Кёртис Жонснинг қизил карточкаси бўйича апелляцияси рад этилди.
Эслатиб ўтамиз, “Ливерпуль” ярим ҳимоячиси “Тоттенхэм”га қарши ўйинда (1:2) тўғридан-тўғри қизил карточка олиб, АПЛнинг учта ўйинига дисквалификаcия қилинган эди.
"Ливерпуль" матбуот хизмати хабарига кўра, Жонснинг қизил карточкасини бекор қилиш ҳақидаги апелляция рад этилган ва унинг дисквалификацияси ўз кучида қолган.
Шу тариқа, Кёртис Жонс "Брайтон", "Эвертон" ва "Ноттингем Форест"га қарши ўйинларни ўтказиб юборади.
"Тоттенхэм"га қарши ўйинда иккита сариқ карточка олган Диогу Жота ҳам АПЛнинг навбатдаги турида "Брайтон"га қарши ўйнамайди.
