Италиялик афсонавий ҳужумчи Алессандро дель Пьеро "Реал" ярим ҳимоячиси Жуд Беллингемнинг ўйини ҳақида фикр билдирди.
"Жуд энди Бенземани алмаштирмоқда, гарчи у Каримга муқобил бўлмаса ҳам. Бенземасиз жамоа инглиз футболчисидан унумли фойдаланмоқда. Шу тариқа улар рақиб ҳимоясини очишга муваффақ бўлишади", - дея италияликнинг сўзларини келтиради Madrid Universal.
Беллингем ёзги трансфер ойнасида Дортмунднинг "Боруссия"сидан "Реал"га ўтган эди. Битим суммаси 103 миллион еврони ташкил этди. Ҳозирда Жуд Европанинг топ-5 чемпионатларида энг сермаҳсул ярим ҳимоячи ҳисобланади. Унинг ҳисобида Ла Лиганинг 7 та ўйинида 6 та гол бор.
