Иқтидорли Ламин Ямал яқинда "Барселона" билан шартномасини 2026 йилнинг июн ойи охиригача узайтирди. 16 ёшли футболчи Лионел Месси билан солиштирилмоқда, бироқ Каталония жамоаси бош мураббийи Хави бундай таққослашга йўл қўймасликка чақирмоқда.
“Умид қиламанки, Ламин бир даврни белгилай олади. Ҳа, ундан умидлар катта. 16 ёшида у қийин даражада ўйнайди, бу жуда яхши. Аммо келажаги қандай бўлишини кўрамиз ва уни Месси билан солиштирманг. Месси билан таққосланган барча футболчилар ҳам у қадар зўр эмас эди”, - деди Хави журналистларга.
