«Интер Майами»нинг чап қанот ҳимоячиси Жорди Альба жароҳати сабаб жамоанинг сўнгги ўйинларини ўтказиб юборди.
Испаниялик футболчи МЛС доирасида «Торонто»га қарши ўйиннинг 34-дақиқасида алмаштирилган ва кейинги учта учрашувда таркибга киритилмаган.
«Интер Майами»даги маҳаллий манбаларнинг хабарига кўра, 34 ёшли Альба 18 октябрь куни бўлиб ўтадиган «Шарлотта»га қарши ўйин олдидан майдонга қайтиши мумкин.
Эслатиб ўтамиз, Жорди Альба шу йилнинг июль ойида АҚШга кўчиб ўтганди. Аввалроқ у «Барселона»да 11 йил ўйнаган.
Испаниялик футболчи «Интер Майами» сафида 11 та ўйинда майдонга тушиб, 2 та гол ва 2 та голли узатмага муаллифлик қилган.
