"Интер" ҳужумчиси Маркус Тюрам клубдаги илк ойлари ҳақида гапирди.
Аввалроқ Менхенгладбахнинг "Боруссия" клубида ўйнаган франциялик футболчи ёзда “нерадзуррилар” сафига эркин агент сифатида келиб қўшилганди. Сешанба куни 26 ёшли ҳужумчи Чемпионлар лигасининг 62-дақиқасида дарвозани ишғол қилиб, "Интер"га "Бенфика" устидан ғалаба келтирди.
"Мен жамоада ишлашни, жамоадошларимдан ўрганишни яхши кўрадиган одамман ва “Интер”да бундай имкониятга эга бўлдим. Бизда жуда аҳил жамоа бор ва бундай муҳитга мослашиш осон. Биз кўп вақтимизни бирга ўтказамиз, шу жумладан майдон ташқарисида. Бу умумий мақсадларга эришиш учун жуда муҳим", - деди Тюрам Sky Sport нашрига берган интервьюсида.
