"Барселона" "Палмейрас" вингери Эстеван Виллианни сотиб олмоқчи.
16 ёшли футболчига аллақачон Европа футболи гигантлари қизиқиш билдираётган эди: вундеркиндга даъвогарлар орасида Лондоннинг "Арсенал", "ПСЖ" ва "Барселона" клублари бор.
Журналист Рожер Тореллонинг хабарига кўра, "Мессиньо" лақаби билан ҳам танилган Эстеван Каталония клубининг нишонида қолмоқда. "Кўк-анорранглилар" спорт директори Декунинг шахсан ўзи бразилиялик футболчи билан шартнома имзолашдан манфаатдор.
Эстеван Виллианнинг ўзи ҳам келажакда унинг кумири Лионель Месси ўйнаган "Барселона"да бўлишни орзу қилишини тан олди. Айни пайтда ёш футболчи "Палмейрас" асосий жамоасида ўйнагани йўқ.
