Чемпионлар лигаси гуруҳ босқичининг 2-турида “Атлетико Мадрид” Роттердамнинг “Фейеноорд” клубини қабул қилди ва голларга бой ушбу ўйинда "матрасчилар"нинг иккита голи Альваро Мората томонидан киритилди.
Маълум бўлишича, ўтмишда “Ювентус” ва “Реал” клубларида ҳам гол урган Мората Европа футболидаги энг нуфузли клуб турнири тарихидаги энг яхши испаниялик тўпурарлар учлигидан бирига айланди. Ҳозир унинг ҳисобида 24 та гол бор.
Олдинда иккита собиқ футболчилар бор - 33 та гол билан Фернандо Морьентес ва "Реал" ва "Шальке" сафида 71 та гол урган афсонавий Раул Гонсалес.
