Пеп Гвардиола Чемпионлар лигасидаги ғалабалар сони бўйича Алекс Фергюсонни ортда қолдирди.

Кеча "Манчестер Сити" Чемпионлар лигаси гуруҳ босқичи 2-тур учрашувида "РБ Лейпциг"ни мағлуб этди (3:1).

Ушбу ўйиндан сўнг, аввалроқ "Барселона" ва "Бавария" билан ишлаган Пеп Гвардиола Чемпионлар лигаси ўйинларидаги ғалабалари сонини 103тага етказди ва Алекс Фергюсонни (190та ўйинда 102та ғалаба) ортда қолдирди. Бу кўрсаткичга эришиш учун Гвардиолага 161 та ўйин керак бўлди.

Чемпионлар лигасидаги ғалабалар сони бўйича пешқадам – “Реал” устози Карло Анчелотти – 109 та (193 та ўйинда).

Шунингдек, кучли бешликдан Арсен Венгер (178 учрашувда 82 ғалаба) ва Жозе Моуриньо (145 учрашувда 77 ғалаба) жой олган.