«ПСЖ» бош мураббийи Луис Энрике 4 нафар ҳужумчи бўлган ўйин тизими туфайли ўзига билдирилаётган танқидларни тушунмаяпти.
Франциянинг L’Equipe нашри хабарига кўра, испаниялик мутахассис «Ньюкасл»дан 1:4 ҳисобида учралган мағлубиятда асосий таркибнинг айби йўқ, деб ҳисобламоқда.
Эслатиб ўтамиз, «қарғалар» билан ўйинда «ПСЖ» 4-2-4 схемасида майдонга тушганди. Олдинда Усмон Дембеле, Килиан Мбаппе, Гонсалу Рамуш ва Рандаль Коло-Муани жой олди.
Энрикенинг фикрича, мағлубиятга биринчи навбатда ўйин тизими эмас, балки ҳужумдаги паст самарадорлик сабаб бўлган.
