«Арсенал»нинг собиқ футболчиси Пол Мерсон «Челси» ҳужумчиси Армандо Броянинг «Фулхэм»га қарши ўйинига юқори баҳо берди.
Эслатиб ўтамиз, албаниялик форвард гол уриб, «кўклар»нинг меҳмонда 1:0 ҳисобида ғалаба қозонишига ёрдам берди. «Челси»нинг яна бир голига Михаил Мудрик муаллифлик қилди.
«Броя «Фулхэм»га қарши катта таҳдид эди. Унинг сафга қайтгани «Челси» учун ажойиб янгилик. Армандо келажакда клубга кўп фойда келтириши мумкин», - дея Мерсоннинг сўзларини келтиради журналист Саймон Филлипс.
Эслатиб ўтамиз, Броя ўтган мавсумнинг кўп қисмини тиззасидан олган жароҳати туфайли ўтказиб юборганди. Албаниялик футболчи тузалиб, сентябрь охиридагина майдонга қайтди.