Гвинея терма жамоаси Россия терма жамоасига қарши ўртоқлик учрашуви ташкил этишга тайёр.
Бу ҳақда мамлакат футбол ассоциацияси вице-президенти Сега Диалло журналистлар билан суҳбатда маълум қилди.
«Ҳозирча биз РФИ билан ўртоқлик ўйини ташкил этиш бўйича музокаралар олиб борганимиз йўқ, аммо келаси йили Россия терма жамоаси билан ўйнамоқчимиз.
Агар РФИ хоҳласа, биз келишувга эришишга тайёрмиз», - деди Диалло Спорт24 нашрига.
Эслатиб ўтамиз, октябрь ойида Россия терма жамоаси Африка термалари билан иккита синов учрашуви ўтказади. Аввалига Валерий Карпин шогирдлари Камерун билан, кейин эса Кения билан ўйнайди.