Жума куни Юлиан Нагельсманн Германия терма жамоасига октябрь ойидаги йиғинга чақирган футболчилар рўйхати эълон қилинди. Рўйхатга ҳимоячи Матс Хуммельс киритилган.
Хуммельснинг чақириғи эътиборга молик, чунки у охирги марта Германия терма жамоаси учун 2021 йилнинг ёзида Европа чемпионатида ўйнаган. Ўшандан бери ҳимоячи "Бундестим"га чақирилмаган.
Матс Хуммельс 34 ёшда. 2023/2024 йилги мавсумда ҳимоячи саккизта ўйин ўтказиб, иккита гол урди.
Октябрь ойида Германия терма жамоаси АҚШ ва Мексикага қарши ўртоқлик ўйинлари ўтказади. Ўйинлар мос равишда 14 ва 18 октябрь кунлари бўлиб ўтади.
