"Реал Мадрид" янги стратегик ҳамкорни қўлга киритди. "Бланкос" раҳбарияти Бирлашган Араб Амирликларида сайёҳлик ташаббуслари ҳамда мамлакат имижини тарғиб қилиш учун масъул бўлган гигант Visit Dubai сайёҳлик компанияси билан шартнома тузди.
Янги маркетинг келишуви эркаклар ва аёллар жамоаларига тааллуқлидир, дея аниқлик киритмоқда Испаниянинг AS нашри.
Айни дамда "Реал Мадрид" ўтган мавсум унчалик муваффақиятли бўлмаганидан сўнг яна Испания Примераси турнир жадвалида пешқадамлик қилмоқда. Кейинги турда Мадриднинг “Реал” клуби “Осасуна”ни қабул қилади.
