"Real Madrid" yangi strategik hamkorni qo‘lga kiritdi. "Blankos" rahbariyati Birlashgan Arab Amirliklarida sayyohlik tashabbuslari hamda mamlakat imijini targ‘ib qilish uchun mas’ul bo‘lgan gigant Visit Dubai sayyohlik kompaniyasi bilan shartnoma tuzdi.
Yangi marketing kelishuvi erkaklar va ayollar jamoalariga taalluqlidir, deya aniqlik kiritmoqda Ispaniyaning AS nashri.
Ayni damda "Real Madrid" o‘tgan mavsum unchalik muvaffaqiyatli bo‘lmaganidan so‘ng yana Ispaniya Primerasi turnir jadvalida peshqadamlik qilmoqda. Keyingi turda Madridning “Real” klubi “Osasuna”ni qabul qiladi.
