"Реал Мадрид" бош мураббийи Карло Анчелотти Испания чемпионати доирасидаги "Осасуна"га қарши уй учрашуви олдидан ўз фикрларини билдириб ўтди.
“Биз “Осасуна” каби жамоага қарши яхши ўйин кўрсатмоқчимиз. Улар бу ерда ҳар доим яхши ўйнашади. Биз ғалаба қозониш учун бор кучимизни ишга соламиз", - деди Анчелотти матбуот анжуманида журналистларга.
Саккиз турдан кейин “Реал” Ла Лига турнир жадвалида биринчи ўринда бормоқда. Карло Анчелотти шогирдлари 21 очко тўплашди.
Испания чемпионати доирасидаги “Реал Мадрид” – “Осасуна” учрашуви 7 октябрь куни Тошкент вақти билан соат 19:15да бошланади.
