Хитойнинг Ханчжоу шаҳрида Осиё ўйинларининг бокс баҳслари якунланди.

Ўзбекистон терма жамоаси мусобақани 3 та олтин ва 2 та бронза медаллари билан якунлади.

Эркаклар ўртасидаги баҳсларда 3 та олтин ва 1 та бронза, аёллар ўртасидаги беллашувларда эса 1 та бронза медалини қўлга киритдик.

Эркаклар ўртасидаги баҳсларда Ўзбекистон терма жамоаси умумжамоа ҳисобида биринчи ўринни эгаллади. Иккинчи ўринни Хитой, учинчи ўринни эса Япония эгаллади.

Аёллар ўртасидаги баҳсларда эса Хитой биринчи поғонани банд этди. Иккинчи ўринни КХДР, учинчи ўринни эса Хитой Тайпейи эгаллади.

Умумий ҳисобда эса Хитой (5 та олтин, 2 та кумуш ва 2 та бронза) биринчи бўлди. Иккинчи ўринни Ўзбекистон банд этди (3 та олтин, 2 та бронза), учинчи ўринни эса Япония (1 та олтин, 2 та кумуш ва 2 та бронза) эгаллади.