«Астон Вилла» ҳужумчиси Олли Уоткинс клуб билан янги узоқ муддатли шартнома имзолади, деб хабар беради Бирмингем жамоаси расмий сайти.
Ёзги трансфер ойнаси вақтида Уоткинс хизматларига «Арсенал» ва «Тоттенхэм» клублари қизиқиш билдираётгани ҳақида хабарлар тарқалган эди.
Бундан ташқари, «Бавария» 27 ёшли инглиз футболчисини Харри Кейнга муқобил сифатида кўрди.
Уоткинс «Астон Вилла»да 2020 йилдан буён ўйнаб келмоқда. Жорий мавсумда форвард барча турнирларда 12 та ўйинда майдонга тушиб, 7 та гол урди ва 3 та голли узатмани амалга оширди.
