"Челси" бош мураббийи Маурисио Почеттино ЖЧ-2030 мавзуси ҳақида гапирди.
Яқинда маълум бўлишича, жаҳон чемпионати баҳслари уч қитъанинг олтита давлатида бўлиб ўтади. Турнирнинг асосий ташкилотчилари Португалия, Марокаш ва Испания бўлса, Уругвай, Парагвай ва Аргентина биттадан очилиш ўйинига мезбонлик қилади.
“Мен Қатарда бўлиб ўтган жаҳон чемпионатида эдим ва бу ажойиб эди, чунки биз бир кунда учта ўйинни томоша қилишимиз мумкин эди - бир стадиондан бошқасига атиги 35 дақиқада бориш мумкин эди. 2030 йилги жаҳон чемпионатига мезбонлик қиладиган барча мамлакатлардан хурсандман, аммо бу ўринда “Ўйинларни қандай томоша қилиш керак?” деган савол туғилади", - деди аргентиналик мутахассис.
