"Chelsi" bosh murabbiyi Maurisio Pochettino JCH-2030 mavzusi haqida gapirdi.
Yaqinda ma’lum bo‘lishicha, jahon chempionati bahslari uch qit’aning oltita davlatida bo‘lib o‘tadi. Turnirning asosiy tashkilotchilari Portugaliya, Marokash va Ispaniya bo‘lsa, Urugvay, Paragvay va Argentina bittadan ochilish o‘yiniga mezbonlik qiladi.
“Men Qatarda bo‘lib o‘tgan jahon chempionatida edim va bu ajoyib edi, chunki biz bir kunda uchta o‘yinni tomosha qilishimiz mumkin edi - bir stadiondan boshqasiga atigi 35 daqiqada borish mumkin edi. 2030 yilgi jahon chempionatiga mezbonlik qiladigan barcha mamlakatlardan xursandman, ammo bu o‘rinda “O‘yinlarni qanday tomosha qilish kerak?” degan savol tug‘iladi", - dedi argentinalik mutaxassis.
