«Наполи» сафида тўп тепаётган польшалик ярим ҳимоячи Пётр Зиелиньски ушбу мамлакат фуқаролигини олди, дея хабар беради инсайдер Жанлука ди Марцио ижтимоий тармоқлар орқали.
Эслатиб ўтамиз, 29 ёшли ярим ҳимоячи 12 йилдан бери Италияда истиқомат қилади. 2011 йилда у Польшанинг Заглембе шаҳридан бу мамлакатга кўчиб ўтди.
Дастлаб Зиелиньски «Удинезе»да ўйнаган, у ерда беш йил ўйнагач кейин эса «Наполи» футболчисига айланган. Ўшанда трансфер суммаси 16 миллион еврони ташкил қилган.
А Сериянинг жорий мавсумида ярим ҳимоячи еттита ўйин ўтказиб, иккита гол ва иккита голли узатмани амалга оширди.