Римнинг “Рома” клуби раҳбарияти жамоа бош мураббийи Жозе Моуриньони истеъфога чиқариши мумкин. Бу ҳақда Correira Dello Sport нашри журналистлари хабар бермоқда. Агар жамоа А Сериянинг “Кальяри”га қарши ўйинида ғалаба қозона олмаса, клуб шартномани бекор қилади.
Манбага кўра, “бўрилар” Моуриньо ўрнига ўринбосар танлаб бўлган. Германия терма жамоасининг собиқ бош мураббийи Ханс-Дитер Флик Рим жамоаси бошқарувида “Special One” ўрнини эгаллаши мумкин.
“Кальяри” – “Рома” учрашуви 8 октябрь, якшанба куни бўлиб ўтади.
"Рома" Италия чемпионатининг янги мавсумини ёмон бошлади. Жамоа етти турдан кейин атиги 13-ўринни эгаллаб турибди.
Маълумот учун, ҳамюртимиз Элдор Шомуродов айни вақтда "Кальяри" шарафини ҳимоя қилмоқда. У айнан Моуриньо сабаб "Рома"дан кетганди.
