Rimning “Roma” klubi rahbariyati jamoa bosh murabbiyi Joze Mourinyoni iste’foga chiqarishi mumkin. Bu haqda Correira Dello Sport nashri jurnalistlari xabar bermoqda. Agar jamoa A Seriyaning “Kalyari”ga qarshi o‘yinida g‘alaba qozona olmasa, klub shartnomani bekor qiladi.
Manbaga ko‘ra, “bo‘rilar” Mourinyo o‘rniga o‘rinbosar tanlab bo‘lgan. Germaniya terma jamoasining sobiq bosh murabbiyi Xans-Diter Flik Rim jamoasi boshqaruvida “Special One” o‘rnini egallashi mumkin.
“Kalyari” – “Roma” uchrashuvi 8 oktyabr, yakshanba kuni bo‘lib o‘tadi.
"Roma" Italiya chempionatining yangi mavsumini yomon boshladi. Jamoa yetti turdan keyin atigi 13-o‘rinni egallab turibdi.
Ma’lumot uchun, hamyurtimiz Eldor Shomurodov ayni vaqtda "Kalyari" sharafini himoya qilmoqda. U aynan Mourinyo sabab "Roma"dan ketgandi.
