Исроилда ҳарбий можаро бошланганидан кейин барча спорт тадбирлари бекор қилиниши мумкин.

Хабар қилинишича, Евро-2024 саралашининг 7-туридан ўрин олган Исроил - Швейцария ўйини катта эҳтимол билан қолдирилади ёки Кипрга кўчирилади.

Расмийлар ёшлар ва ўсмирлар терма жамоаларининг ўйинларини ҳам бекор қилмоқчи. Эртага УЕФА якуний қарорни қабул қилади.

7 октябрь куни Исроил мудофаа кучларининг Ғазо секторида Фаластин томонининг йирик ракета отишларига жавобан ҳарбий амалиёти бошланди.

Шанба куни эрталаб соат 08:28 дан бошлаб бутун мамлакатнинг кўплаб жойларида, жумладан Тел-Авив ва унинг атрофида ҳарбий сигналлар узлуксиз эшитилмоқда.