«Манчестер Юнайтед» бош мураббийи Эрик тен Хаг Расмус Хёйлунднинг ўйини ҳақида фикр билдирди.
Эслатиб ўтамиз, даниялик футболчи ҳали Англия премьер-лигасида бирорта ҳам самарали ҳаракат қила олмаган бўлсада, Чемпионлар лигасида гуруҳ босқичининг икки турида учта гол урди.
«Мен Хёйлунд ва унинг тараққиётидан жуда мамнунман. У катта салоҳиятга эга, бу аллақачон намоён бўлмоқда.
Бизга кўпроқ машғулотлар ва ўйинлар керак. Жамоада автоматизмни ҳам ривожлантиришимиз керак. Шундан сўнг Хёйлунд янада яхши бўлади», деди Тен Хаг матбуот анжуманида.
