Мавсум бошида Мадриднинг «Реал» клуби ҳимоячиси Эдер Милитао тиззасидан жиддий жароҳат олиб, операция қилинди.

Relevo хабарига кўра, бразилиялик футболчининг мартгача тикланиш имконияти бор, яъни Чемпионлар лигаси 1/8 финалининг жавоб ўйини арафасида. 

Эдер Милитао 2019 йилнинг ёзидан бери «Реал»да ўйнамоқда. Бу вақт ичида бразилиялик 143 та расмий ўйин ўтказиб, 11 та гол урди ва 5 та голли узатмани амалга оширган.

Эслатиб ўтамиз, «Реал Мадрид» Чемпионлар лигаси гуруҳ босқичининг дастлабки икки турида «Унион Берлин» (1:0) ва «Наполи»ни (3:2) мағлуб этиб, олти очко жамғарди.