Суперлига 21-турида меҳмонда “Бухоро”га мағлуб бўлган “Навбаҳор” клуби бош мураббийи Самвел Бабаян ғалаба ҳақида фикр билдирди.

“Олдинги ўйинларда йўқотган очколаримизни ўрнини қоплаш учун ҳам ғалаба қозонишимиз шарт эди. Шу боис, бугунги ғалаба биз учун жуда муҳим ғалаба бўлди. Бугун дастлабки дақиқалардан то сўнгги дақиқаларгача тўлиқ устунлик қилдик. Йигитлар бугун аввалги ўйинлар билан солиштирганда анча ишончлироқ ҳаракат қилишгани хурсанд қилмоқда. Бугун чиройли ва фантастик голлар киритдик. Ҳақли тарзда ғалаба қозондик”, - деди Бабаян.

“Кимндир алоҳида кўрсатишни ёқтирмайман. Барча чизиқлар бугун ажойиб ҳаракат қилишди. Барчанинг ҳаракатлари олқишга сазовор. Бугун бизга оддий ўйинлар қолмади. Барчаси финалдек. Барча ўйинларга жиддий тайёрланамиз”.

“Рақиб ўйинларини муҳокама қилишни истамайман. Бизнинг олдимизда жуда муҳим ўйинлар турибди. Ҳозир диққатимизни шуларга қаратганмиз”.

“Бухоро” доим кучли жамоа сифатида тилга олинган. Улар лигада қолишларини истайман. Бу жамоа ўз тарихи ва ўрнига эга”.