"Арсенал" ҳужумчиси Кай Хаверц Германия терма жамоаси билан АҚШга бормади. "Бундестим" бош мураббийи Юлиан Нагельсманнинг айтишича, футболчи тиш операциясидан сўнг жамоага келиб қўшилади.
Эслатиб ўтамиз, Нагельсманн яқинда қониқарсиз натижалар учун ишдан бўшатилган Германия терма жамоаси бош мураббийи Ханс-Дитер Флик ўрнига келган эди.
24 ёшли Ҳаверц жорий мавсум Англия Премьер-лигасида саккизта ўйинда майдонга тушиб, битта гол урди.