"Манчестер Юнайтед" қишки трансфер ойнасида вингер Жейдон Санчони қўйиб юбормоқчи. Хабарингиз бор, бир ойдан кўпроқ вақт олдин футболчи мураббий Эрик тен Хаг билан можаро туфайли жамоадан четлатилган эди. Ўшандан бери вазият ўзгармади.
Тен Хагга Санчонинг кечикиши ва ёмон тайёргарлик ёқмаган. “Қизил иблислар” устози ҳам Жейдоннинг жамоадошларига ёмон таъсиридан хавотирда эди.
Қайд этилишича, Санчо дисквалификация қилинганидан кейин бошқа футболчиларнинг машғулотлар жараёнига муносабати яхшиланган. Тен Хаг буни клуб раҳбарларига етказди.