Дортмунднинг "Боруссия" клуби вингери Жейми Байно-Гиттенс клуб билан шартномасини узайтирди.
19 ёшли англияликнинг янги шартномаси 2028 йилгача мўлжалланган. Bild хабарига кўра, Дортмунд клуби футболчи билан шартномани узайтирган, чунки "Арсенал", "Челси" ва "Нюкасл" клублари қизиқиш билдирган.
Байно-Гиттенс 2020 йилда "Манчестер Сити" ёшлар жамоасидан "Боруссия Дортмунд"га ўтган эди. Жорий мавсумда у немис клуби сафида барча турнирларда 5 та ўйин ўтказди.