Франция терма жамоаси бош мураббийи Дидье Дешам ярим ҳимоячи Поль Погба атрофидаги вазият ҳақида фикр билдирди.
“Мен Поль Погба учун жуда хафаман. Сўнгги пайтларда унинг бошига кўп нарса тушмоқда. У қийин вазиятга тушиб қолди. У ўзини ҳимоя қилиши керак, бу узоқ вақт талаб этади. Мен у билан жуда илиқ муносабатда бўлдим, уни доимо қўллаб-қувватладим. Эртага нима бўлишини билмайман. У билан содир бўлган ҳамма нарса унинг учун қайғулидир.
Погба терма жамоага қайтадими? Бу саволга жавоб бера олмайман, ҳозирча бу ҳақда ҳеч нарса дея олмайман. Унинг келажакда нима бўлишини билмайман", - дейди мураббий.
Погба узоқ муддатга дисквалификация қилиниши мумкин. Олдинроқ туринликлар ярим ҳимоячи билан шартномани бекор қилиши мумкинлиги ҳақида хабарлар тарқалган эди.