Франциялик аёл ҳакам Стефани Фраппарт Англия – Австралия ўртоқлик ўйинига ҳакам этиб тайинланди ва “Уэмбли”даги эркаклар ўртасидаги халқаро ўйинни бошқарган биринчи аёл бўлади, деб ёзади Mundo Deportivo.
Фраппарт бошқа ютуқлар қаторида 2022 йилги Қатар эркаклар ўртасидаги жаҳон чемпионатида ўйинни бошқарган биринчи аёл ҳакам ҳисобланади. Германия терма жамоаси Коста-Рика термаси билан ўйинда (4:2) ғалаба қозонганида у ҳакамлик қилган.
"Уэмбли"да унга қанотларда ҳамюртлари Майкл Берчеброу ва Аурелиен Друе, Ҳаким Бен Эл Хадж тўртинчи ҳакам, Матё Вернис ва Николас Ренвил эса ВАР сифатида ёрдам беришади.