"Ньюкасл" ҳужумчиси Александр Исак октябрь ойида бўлиб ўтадиган Европа чемпионати саралаш босқичи ўйинлари олдидан Швеция терма жамоасини тарк этди.
Қайд этилишича, форвард якшанба куни Англия чемпионатининг “Вест Хэм”га қарши ўйинида олган жароҳати билан йиғинга келган. Швеция футбол федерацияси матбуот хизмати берган маълумотларга кўра, терма жамоа шифокорлари кўригидан сўнг Александр Исак терма жамоада ўйнай олмаслиги аниқ бўлди.
24 ёшли форвард терма жамоа сафида 42 та ўйин ўтказиб, 10 та гол урган. Октябрь ойидаги йиғинда шведлар Молдова билан ўртоқлик учрашувидан ташқари Бельгия билан ҳам саралаш баҳсида майдонга тушишади.