Диего Алонсо «Севилья»нинг янги бош мураббийи бўлади.
Журналист Сезар Луис Мерлонинг ижтимоий тармоқларда хабар беришича, 48 ёшли уругвайлик мутахассис аллақачон Андалусия клуби билан шартнома имзолаган.
Шартнома 2023/2024 йилги мавсум охиригача амал қилади ва яна бир мавсумга узайтириш имкониятини ўз ичига олади.
Тез орада «Севилья» Алонсонинг тайинланганини расман эълон қилиши керак. Бу мураббийнинг охирги иш жойи Уругвай терма жамоаси бўлган.
Қайд этилишича, «Севилья» Марсело Гальярдони таклиф қилишга уринган, бироқ томонларнинг позициялари молиявий нуқтайи назардан бир-бирига мос келмади.
