"Манчестер Юнайтед"нинг собиқ ҳимоячиси Рио Фердинанд Андре Онананинг "Олд Траффорд"даги фаолиятини бошлагани ҳақида гапирди ва Давид Де Хеа билан таққослади.

"Шмейхел унга тўғри маслаҳат берди ва Онанани дуч келадиган барча босимларни хотиржам қабул қилишга ундади. Андре сезиларли даражада асабий, шунинг учун у хато қилади. У машғулотлар пайтида кўплаб зарбаларни ўтказиб юборади. Кўпчиликда у ўзини тиклай оладими, деган савол туғилади. Мен эса Де Хеанинг клубдаги бошланғич даврини эслайман.

Ҳа, Давид ёшроқ эди, лекин у ҳам ёмон бошлаганди. Дастлабки 10 та учрашув Онана ҳозир кўрсатаётганидан унчалик фарқ қилмади.

Шубҳасиз, Онананинг ўзи учун бу у умид қилган бошланиш эмас. У ўзи ўйнашга одатланган даражадан, "Манчестер Юнайтед" стандартларидан йироқ. У буни ўзи тушунади ва сўрасангиз айтиб беради", — деди Рио Фердинанд.