"Челси" бош мураббийи Маурисио Почеттино трансфер масалаларида кўпроқ кучга эга бўлади.
Инсайдер Фабрицио Романо хабар беришича, бундан буён аргентиналик мураббийнинг сўзи футболчиларни ижарага олиш ва сотишда ҳал қилувчи аҳамиятга эга бўлади. Илгари бу ҳар доим ҳам шундай бўлмаган: баъзи ҳолларда "Челси" раҳбарияти Почеттинодан сўрамай, ўз қарорига кўра футболчиларни сотиб олган.
“Кўклар” саккиз турдан кейин Англия Премьер-лигаси турнир жадвалида 11-ўринда бормоқда. Навбатдаги учрашувда (21 октябрь) Маурисио Почеттино шогирдлари чемпионатда “Тоттенхэм” билан биринчи ўринни бўлишиб турган “Арсенал” билан тўқнаш келишади.