Италиянинг "Ювентус" клубининг 22 ёшли ярим ҳимоячиси Николо Фаджоли ноқонуний пул тикишда гумон қилиниб, ҳозирда тергов остида.
Манбага кўра, футболчи ноқонуний платформаларда пул тикиш билан шуғулланган, бу унинг ва бошқа кўплаб профилларга кириш ҳуқуқига эга бўлган терговчилар томонидан тасдиқланган. Ҳозирда иш Турин прокурорлари қўлида.
Италия футбол федерацияси прокуратураси ҳам давом этаётган терговдан хабардор: 30 август куни Фаджолининг адвокатлари томонидан ҳисобот юборилган. Прокурор Жузеппе Чине ҳам тергов жараёнини диққат билан кузатиб бормоқда.
Агар тергов Фаджолининг ноқонуний пул тикиш билан шуғулланганини тасдиқласа, Николо уч йил ёки ундан кўпроқ муддатга дисквалификация кўринишидаги санкцияларга дуч келади.
