Номаълум шахслар ижтимоий тармоқларда Виржил ван Дейк иштирокидаги казино рекламасини тарқатган.
Casino Nieuws нашри хабарига кўра, видеода "Ливерпуль" ҳимоячиси Нидерландия аҳолиси осонликча пул ишлашлари мумкинлигини даъво қилиб, ноқонуний онлайн казино сайтига боришни тавсия қилган.
Аслида, ван Дейк бундай сўзларни айтмаган. Футболчининг овози сунъий интеллект ёрдамида GQ журналига берган интервьюсидан қирқиб олинган.
"Ливерпуль" футболчиси ва унинг адвокатлари видео пайдо бўлишидан хабардор ва кейинги қадамлар ҳақида ўйлашмоқда. Видео муаллифи ҳозирча аниқланмаган.