Аргентина терма жамоаси бош мураббийи Лионель Скалони ҳужумчи Лионель Мессининг ЖЧ-2026 саралаши доирасидаги Парагвайга қарши ўйин олдидан аҳволи ҳақида гапирди.
Мутахассиснинг таъкидлашича, форварднинг ўйнаш ёки ўйнамаслигини билиш учун яна бир машғулот ўтказиши керак.
"Аввал бу ҳақда у билан муҳокама қилишим керак. Аввало, унинг майдонга туша олишига ишонч ҳосил қилишим керак. Тўрт кундан сўнг бизни Перуга қарши яна бир ўйин кутиб турибди ва унинг тайёрлигини аниқлаш унчалик осон эмас", - деди Скалони Reuters билан суҳбатда.
Аргентина ва Парагвай терма жамоалари ўртасидаги учрашув 13 октябрь куни Тошкент вақти билан соат 04:00 да бошланади.
