"Интер Майами"нинг аргентиналик ҳужумчиси Лионель Месси яқин орада жамоани тарк этмайди, деб хабар бермоқда журналист Гильем Балаге.
"У, бошқа футболчилар каби, бир ой дам олади. Шунинг учун Саудия Арабистони ёки бошқа жойга ўтишни унутинг" - деб таъкидлади BBC эксперти.
Футболчи Саудия Арабистони клубига ижарага берилиши мумкинлиги хабар қилинганди.
2023 йилнинг ёзида 36 ёшли аргентиналик футболчи "Интер Майами" билан 2025 йилнинг охиригача шартнома имзолади. Месси жамоа сафида 13 та ўйин ўтказиб, 11 та гол урди ва 5 та голли узатмани амалга оширди.
