Мадриднинг “Реал” клуби ярим ҳимоячилари Федерико Вальверде ва Эдуардо Камавинга "қироллик клуби" билан шартномаларини узайтиради.
COPE хабарига кўра, испан грандининг ҳар икки футболчиси 2028 йилгача янги шартнома имзолайди. Музокаралар давомида эришилган шартлар ошкор этилмади.
Эслатиб ўтамиз, уругвайлик ва француз ўртасидаги аввалги келишувлар 2027 йилгача амал қилган. Вальверде 2018 йилдан бери, Камавинга эса 2021 йилдан бери “Реал Мадрид” сафида тўп тепади. Transfermarkt портали уларнинг қийматини мос равишда 100 ва 85 миллион еврога баҳоламоқда.
