"Лейпциг" ҳужумчиси Луа Опенда келаси ёзда клубини ўзгартириши мумкин. Бу ҳақда Football Insider хабар бермоқда.
Манбага кўра, "Манчестер Юнайтед" ҳужумчини сотиб олишни жиддий мақсад қилган. "Лейпциг" тўпурар билан июндан эрта хайрлашишга тайёр. Қайд этилишича, 23 ёшли футболчини "Челси" ва "Ливерпуль" ҳам кузатиб бормоқда.
Опенда ўтган ёзда "Лейпциг" сафига қўшилди. Жорий мавсумда ҳужумчи "буқалар" сафида барча турнирларда 11 та ўйин ўтказиб, 5 та гол ва иккита голли узатмага муаллифлик қилган. Футболчининг немис клуби билан шартномаси 2028 йилнинг июн ойи охиригача амал қилади. Transfermarkt интернет порталига кўра, футболчининг тахминий нархи 35 миллион еврони ташкил қилади.