"Leypsig" hujumchisi Lua Openda kelasi yozda klubini o‘zgartirishi mumkin. Bu haqda Football Insider xabar bermoqda.
Manbaga ko‘ra, "Manchester Yunayted" hujumchini sotib olishni jiddiy maqsad qilgan. "Leypsig" to‘purar bilan iyundan erta xayrlashishga tayyor. Qayd etilishicha, 23 yoshli futbolchini "Chelsi" va "Liverpul" ham kuzatib bormoqda.
Openda o‘tgan yozda "Leypsig" safiga qo‘shildi. Joriy mavsumda hujumchi "buqalar" safida barcha turnirlarda 11 ta o‘yin o‘tkazib, 5 ta gol va ikkita golli uzatmaga mualliflik qilgan. Futbolchining nemis klubi bilan shartnomasi 2028 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 35 million yevroni tashkil qiladi.