Даниялик ҳимоячи Симон Кьяер "Милан" сафида ўзининг 100-учрашувини ўтказди ва бундан жуда фахрланишини тан олди.
"Милан" - бу менинг орзумдаги клуб. Мен юбилей ўйиним билан фахрланаман. Мен Италияни илк кунларданоқ, ҳали “Палермо”да ўйнаган пайтларимдан севиб қолгандим. Агентим тасдиқлайдики, ўшанда ҳам мен унга “бир кун келиб “Милан”да ўйнайман”, деб айтгандим. Ҳозир “Милан” мен учун энг кўп ўйин ўтказган клуб. Ундан кўпроқ фақат терма жамоада тез-тез ўйнаганман", - дея Кьяер сўзларини келтиради pianetamilan.it.
Италия чемпионатининг навбатдаги, 9-турида “Милан” Туриннинг “Ювентус” жамоаси билан куч синашади.
