Россия ташқи ишлар вазирлиги вакили Мария Захарова УЕФАнинг мамлакат ёшлар терма жамоаларини расмий мусобақаларга киритишни бекор қилиш ҳақидаги қарорга жавоб қайтарди.
Захарованинг сўзларига кўра, УЕФА аллақачон сиёсий ташкилотга айланиб бўлган.
«УЕФА нейтрал қарор қабул қилиши керак эди. Агар у халқаро сиёсий ташкилот бўлса, унда ҳар бир мамлакатнинг сиёсий талаблари, сиёсий мотивлари, сиёсий ёндашувларини ҳисобга олиши керак. Бироқ бу спорт ташкилотидир», — дея Захарованинг сўзларини келтиради ТАСС.
Захарованинг қўшимча қилишича, агар УЕФА спорт ташкилоти бўлса, у ҳолда у ўз низоми доирасида «спорт сиёсатдан ташқари» тамойили асосида ҳаракат қилиши керак.
Агар УЕФА ўзини сиёсий ташкилот деб ҳисобласа, у ўз мақоми ва рамзларини ўзгартириши, шунингдек, бу ҳақда аъзоларини хабардор қилиши керак, деб ҳисоблайди Захарова.
